Kryetari i LDK-së, Isa Mustafa ka pritur sot në takim shefin e Zyrës së Bashkimit Evropian, Tomas Szunyog.
Gjatë këtij takimi, Mustafa e njoftoi Szunyog për zhvillimet e fundit politike, qëndrimin e LDK-së në luftën kundër pandemisë nga COVID-19 dhe çështje tjera me rëndësi për zhvillimin e vendit.
“Kryetari Mustafa u shpreh i kënaqur me marrëveshjen që është arritur në Uashington, si një ndër çështjet me rëndësi të Kosovës në raport me BE-në.
Gjatë këtij takimi, Mustafa ka diskutuar edhe për procesin e liberalizimit të vizave dhe integrimin e Kosovës në familjen e vendeve demokratike evropiane”, thuhet në njoftimin për media.
Po ashtu u diskutua edhe për forcimin e rendit dhe ligjit, për thellimin e demokracisë, luftimin e korrupsionit, dhe zhvillimin ekonomik.
Ambasadori Szunyog theksoi se BE-ja do të vazhdoj t’i përkrahë institucionet e Kosovës në procesin e përafrimit me BE-në. /Telegrafi/
