Aksidenti “më i shtrenjtë” në Evropë ndoshta edhe në botë, ka ndodhur në një situatë plotësisht të zakonshme: kolona e veturave lëvizte prapa një kamp shtëpize, e për fat të keq shoferi i Bugatti Chiron dhe ai i Porsche 911 në të njëjtën sekondë kishin vendosur të tejkalojnë mjetin e rëndë.
E aksidenti në këtë situatë ishte i pashmangshëm, përveç veturave të shtrenjta në aksident janë përfshirë edhe vetura “kamp shtëpizë” dhe një Mercedes, transmeton Telegrafi.
E pas ekspertizës së policisë zvicerane në kantonin Uri, është konstatuar se shoferi i mjetit me rimorkio është lënduar dhe për këtë është dërguar me urgjencë në spital për trajtim.
Ndërkaq shoferët e Bugatti dhe Porsche kanë refuzuar të nënshkruajnë deklaratën e përbashkët për aksidentin. Vlerësohet se dëmet materiale në këtë aksident kapin vlerën e 3.5 milionë eurove. /Telegrafi/
