Një grua nga India kohët e fundit bëri kërkesë për divorc në një gjykatë, pasi burri i saj e do atë shumë, raporton Oddity Central.
Gruaja e paidentifikuar nga Sambhal, shteti federal Uttar Pradesh, kohët e fundit bëri thirrje në një gjykatë të sheriatit për të kërkuar një divorc nga burri i saj me të cilin ajo është martuar për 18 muaj.
E pyetur për të shpjeguar kërkesën e saj, gruaja tha se burri i saj e do atë shumë dhe kurrë nuk është grindur me të dhe se ajo nuk mund ta pranojë atë.
Për t’i bërë gjërat edhe më keq, burri i saj gatuante dhe pastronte për të dhe e ndihmonte në punët e ndryshme shtëpiake. Duke iu drejtuar gjykatës, ajo tha se është mërzitur nga kjo dhe i kërkoi gjykatës t’i jepte fund martesës së saj.
“Ai nuk më bërtet dhe kurrë nuk më ka mërzitur. Ai madje gatuan për mua dhe më ndihmon në punët e shtëpisë”, tha gruaja e pakënaqur.
“Sa herë që bëj një gabim, ai gjithmonë më fal. Unë doja të diskutoja me të. Nuk kam nevojë për një jetë ku burri im bie dakord me mua për gjithçka”, shtoi ajo
Pasi e morën në pyetje, gjykatësit e hutuar të gjykatës së sheriatit menjëherë refuzuan kërkesën e saj, të cilën ata e përshkruan si joserioze dhe i kërkuan çiftit të zgjidhte mosmarrëveshjet. Por gruaja nuk u ndal këtu.
Pasi kërkesa e saj për divorc u refuzua, ajo iu drejtua anëtarëve të këshillit lokal, por edhe ata refuzuan të ndërhyjnë në martesën e saj pasi e dëgjuan.
Sipas mediave lokale, burri i gruas tha se ai mendonte se nuk kishte bërë asgjë të keqe, por thjesht donte të tregohej perfekt.
Një rast i ngjashëm ndodhi vitin e kaluar edhe në Emiratet e Bashkuara Arabe.