Policia në Indi ka zbuluar detaje të një rasti të tmerrshëm në të cilin një baba i pesë vajzave dyshohet se hapi barkun e gruas së tij shtatzënë, sepse ai donte të zbulonte nëse ajo do të lindte djalë.
Incidenti i tmerrshëm besohet të ketë ndodhur me 19 shtator të këtij viti në fshatin Nekpur në shtetin verior të Uttar Pradesh.
Babai i çmendur dyshohet se ia hapi barkun gruas së tij 35 vjeçare me një armë me tehe, duke e lënë atë me dëmtime serioze.
Gruaja, e cila ishte më shumë se gjashtë muaj shtatzënë, u dërgua me urgjencë në spital nga anëtarët e brengosur të familjes, të cilët thanë se burri kreu aktin mizor sepse donte të dinte nëse foshnja ishte mashkull apo femër.
Babai u arrestua më pas nga policia dhe një hetim për motivet e tij ka filluar. Gruaja mbetet në spital pas sulmit të tmerrshëm dhe gjendja e foshnjës nuk raportohet nga mediat vendase.
Në Indi, preferenca e djemve mbetet ende e fortë, me djemtë që i shtojnë pasurinë familjes, ndërsa vajzat që e bjerrin atë atë me pajë.
Sipas News Week ‘abortet selektive seksuale janë të përhapura në Indi’, ku familjet preferojnë të kenë djem.
