Komuna e Prishtinës ka filluar krijimin e shiritave të veçantë për biçiklistë nëpër rrugët e shumë lagjeve të kryeqytetit, ndërsa së fundmi është finalizuar shtegu i biçikletave në lagjen “Dardania”.
Por pavarësisht kësaj, shumë shoferë po e keqpërdorin këtë anë, duke i parkuar veturat e tyre vend e pavend.
Kryetari i Prishtinës, Shpend Ahmeti ka publikuar një fotografi, ku edhe shihet një zyrtar policor i cili i shqipton gjobën për këtë shkelje.
Ahmeti apeloi që të mos parkohen veturat në këtë anë, duke thënë se po e detyrojnë që të merret vendim për vendosjen e pengesave vetëm e vetëm që të mos ndalojnë automjetet. /Telegrafi/
