Raportet në mes të Greqisë dhe Turqisë që po vazhdojnë të jenë të tensionuara për shkak të burimeve të gazit në territorin që pretendohet nga të dy palët.
Zyrtarët grekë po thonë se do ta forcojnë edhe më tej ushtrinë me programe të reja armatimi, për t’i dalë në mbrojtje vendit.
Greqia nisi lëshimin e alarmit detar pasi Turqia njoftoi se po dërgonte një anije për të kryer një studim shpimi në ujërat afër një ishulli grek në brigjet jugore të Turqisë. Këshillimi fillestar i Turqisë të martën ndezi alarmin në Greqi mes njoftimeve që anijet detare nga të dyja vendet po përgatiteshin për të patrulluar zonën.
BE tha që gatishmëria e Turqisë nuk ishte e dobishme dhe dërgon mesazhin e gabuar. Megjithëse anija turke e studimit, “Oruc Reis”, ende ishte raportuar të ishte e ankoruar në portin turk të Antalias të mërkurën, njoftimi, i njohur si një “Navtex”, nxiti alarmin në ushtrinë greke dhe u dënua nga Athina si i paligjshëm.
Vëzhgimi në njoftime përfshin një zonë midis Qipros dhe Kretës. Raportimet greke, të pakonfirmuara, thanë se anijet e marinës turke dhe greke po shkonin në një zonë afër ishullit grek, Kastellorizo, një distancë e shkurtër nga toka turke. Gazeta gjermane “Bild” pretendon se konflikti i ashpër mes dy vendeve nuk ka përshkallëzuar në luftë për shkak të ndërhyrjes së Kancelares Angela Merkel.
Sipas gazetës, situata është e tensionuar për shkak se Ankaraja ka nxjerrë 18 anije ushtarake për lundrim drejt zonës detare në jug të ishullit grek të Kastelorizos. Nga ana tjetër, Athina i është kundërpërgjigjur Turqisë duke nxjerrë në Egje 85 për qind të flotës së saj luftarake.
Po ashtu, edhe kreu i diplomacisë gjermane paralajmëroi Turqinë që të ndalojë eksplorimin e hidrokarbureve në zonën detare të Qipros dhe Greqisë në Mesdheun Lindor, ku nëntoka besohet se është e pasur me naftë dhe gaz.
“Bild” shkruan se ka qenë vetë Angela Merkel, e cila ka zhvilluar biseda telefonike me Kryeministrin grek, Kiriakos Mitsotakis, dhe Presidentin turk, Rexhep Taip Erdogan.
