Policia e Kosovës ka njoftuar se ka arrestuar një person në Viti, pasi që i njëjti dyshohet se ka grabitur një veturë.
Në njoftim thuhet se personi i dyshimtë gjatë përpjekjeve për t’i ikur Policisë së Kosovës, ka goditur një automjet të udhëtarëve dhe më pas edhe automjetin zyrtar të Policisë, transmeton Telegrafi.
“Është arrestuar i dyshuari mashkull kosovar i cili kishte grabitur veturën e viktimës mashkull kosovar, pas informatës një njësi policore i është vënë në ndjekje për ta ndalur të dyshuarin dhe i njëjti gjatë përpjekjeve për t’i ikur ndaljes së tij, ka goditur një automjet të udhëtarëve dhe më pas edhe automjetin zyrtar të Policisë së Kosovës. Si pasojë e aksidentit përveç dëmeve të vogla të automjeteve, lëndime kanë pësuar drejtuesi i automjetit zyrtar si dhe një pasagjere femër kosovare. Të lënduarit kanë marrë tretman mjekësor dhe më pas janë liruar”, thuhet në njoftim.
Policia bën të ditur se në lidhje me rastin është konfiskuar automjeti i grabitur, ndërsa i dyshuari është dërguar në mbajtje për rastin vjedhje grabitqare. /Telegrafi/