Kylian Mbappe ka lavdëruar Jurgen Klopp dhe Liverpoolin, pasi yllin i Paris Saint-Germain e ka cilësuar klubin anglez si “një makinë”.
Liverpooli aktualisht është lider në majë të Ligës Premier, duke ruajtur një epërsi prej 25 pikësh ndaj kampionëve të sezonit të kaluar Manchester Cityt.
Reds, të cilët fituan Ligën e Kampionëve qershorin e kaluar, përfunduan një pikë pas Man City sezonin e kaluar, ndërsa këtë sezon janë afër sigurimit të titullit pas 30 viteve.
Mbappe, ndërkohë, është lidhur me një lëvizje në Liverpool gjatë muajve të fundit, megjithëse çdo veprim për yllin e PSG padyshim që do të bëhej më i komplikuar nga pandemia e vazhdueshme e coronavirusit.
Dhe, kur u pyet rreth mendimit të tij për Liverpoolin, Mbappe ishte plot lëvdata për arritjet e Reds në sezonet e fundit dhe trajnerin e tyre Klopp.
“Këtë sezon, Liverpooli ka qenë një makinë në Ligën Premier”, ka thënë Mbappe për Mirror.
“Ata e kanë bërë fitoren të duket e lehtë, por e vërteta është se nuk është kurrë e lehtë”.
“Paraqitjet si ato që kanë qenë nuk kanë ndodhur thjesht”.
“Të jesh po aq i pamëshirshëm sa kanë qenë do të vinte nga shumë punë e madhe në trajnime dhe nga të pasurit një menaxher shumë të mirë”, përfundoi francezi. /Telegrafi/
